Veflausnir


25
Aug 14

Fréttasíðan sem allir eru að tala um

Fréttavefurinn Nútíminn.is fór í loftið 25 ágúst klukkan 6.59 . Nútíminn er fréttavefur sem lítur vel út í öllum tækjum og segir fjölbreyttar fréttir af fólki. Fréttirnar eru yfirleitt stuttar, stíllinn knappur og yfirbragðið létt. Vefurinn keyrir á hinu sívinsæla WordPress kerfi og er hýstur hjá okkur. Við óskum Nútímanum til lukku með vefinn og hlökkum til að starfa saman !


6
Jun 14

433.is í loftið

433Ný vefur frá 433.is.  Vefurinn er smíðaður í WordPress og hýstur hjá Netheimi.


6
Jun 14

Stóra Bílasalan var að fara í loftið með nýjan vef frá okkur. Vefurinn er smíðaður í WP og beintengdur við bilasolur.is. Smellið á myndina og skoðið vefinn þeirra.

TOYOTA YARIS HYBRID ACTIVE | Stóra Bílasalan
www.stora.is

7
Feb 14

OpenERP innleiðing fyrir Heel & Buckle

hb_logo2Árið 2012 var  Heel & Buckle  að hefja innreið sína inn á Indlandsmarkað með skó- og leðurvöruverslanir sínar. Opna átti tvær búðir, vefverslun og bespoke verkstæði á árinu 2013 og stækka reksturinn með fleiri búðum og sérframleiðslu frá 2014-2016.

Það var því augljóst að til að styðja við reksturinn þyrfti að innleiða sterk ERP og PoS kerfi.

Ákveðið var að velja það kerfi sem flestir á Indlandsmarkaði notuðu í svipuðum rekstri og varð því Microsoft Dynamics (Navision) fyrir valinu. Samið var við einn af þeim samstarfsaðilum sem Microsoft mælti með á Indlandi til að setja upp og innleiða kerfið og átti kostnaðurinn að vera 1 – 1,5 milljón. Helmingurinn af kostnaðinum átti að vera fyrir leyfisgjöldum til Microsoft (fyrir Dynamics) og LSRetail (PoS viðbót á Dynamics).

Til að gera langa sögu stutta þá fór verkefnið fljótt fram úr fjárhagsáætlun og tímaáætlun. Allar viðbætur sem við vildum fá í kerfið virtust vera flóknar í útfærslu og kostnaðarsamar þ.s. þær kröfðust 3-4 mismunandi aðila til að koma að verkefninu. Til að bæta gráu ofan á svart þá var ýmis aukakostnaður sem átti að fara að leggjast á okkur eins og leyfisgjöld til Microsoft til að „fá að séraðlaga kerfið“, support-gjöld til Microsoft (BREP), sem og árleg leyfisgjöld til bæði Microsoft og LSRetail. Þetta var ansi mikill peningur ofan á upphaflegu leyfisgjöldin til þess eins að fá að nota kerfið og séraðlaga það.

Það var okkur því augljóst að við vorum með allt of dýrt kerfi og við þyrftum að endurskoða okkar stöðu. Lagt var af stað í nokkra vikna vinnu við að bera saman ýmis ERP kerfi með bæði virkni, séraðlögunarmöguleika og kostnað að leiðarljósi.

1Okkur varð fljót ljóst að OpenERP kerfið frá Belgíu stóð upp úr. Það hafði engin leyfisgjöld (open source), mjög opið fyrir breytingum (Model-View-Controler aðferðarfræði), virkilega notendavænt, krafðist ekki uppsetningar á hverri útstöð þ.s. það keyrði sem vefkerfi, og hafði alla þá grunn virkni sem við kröfðumst, þ.e. ERP, CMS, PoS og Ecommerce (bæði sitt eigið sem og tengingu við önnur þekkt vefverslunarkerfi). Eftir nokkra vikna prófanir var augljóst að þetta væri kerfið sem við yrðum að skipta yfir í.

Við völdum tvo fyrirtæki til að aðstoða okkur við innleiðinguna á þessu kerfi:

 

 

Uppsetning og rekstur:

Netheimur stóð sig virkilega vel þegar kom að allri uppsetningu á OpenERP kerfinu sem og hvaða tækniaðstoð sem við þurftum á að halda. Á aðeins nokkrum dögum vorum við komin upp með prufu og raun umhverfi, tengd saman við hugbúnaðarumhverfið okkar (t.a.m. source control og continuous integration) og allar einingar kerfisins virkuðu eins og skyldi. Í hvert skipti sem við þurftum aðstoð, t.d. með öryggisafritun eða aðgangstýringu, var komin lausn innan nokkurra klukkutíma.

Það var því ansi auðveld ákvörðun hjá okkur að halda kerfinu í rekstri hjá Netheimi frekar en að hýsa það innanhús eða hjá öðrum aðilum.

 

Innleiðing : Þegar kom að innleiðingu og séraðlögun á OpenERP þá settum við það í hendurnar á hugbúnaðardeild Capital Black í Bretlandi. Capital Black hafði komið að mörgum verkefnum fyrir Heel & Buckle með góðum árangri og sanngjörnum kostnaði. Þeir náðu að innleiða kerfið fyrir okkur á mettíma og voru mjög meðvitaðir um að koma kerfinu í notkun sem fyrst og fá reglulegar athugasemdir frá notendum svo hægt væri að gera breytingarnar fljótt og koma þeim í rekstur innan nokkurra daga.

Það sem við enduðum með var kerfi sem gaf okkur mjög góða sýn á rekstrinum okkar hvenær sem við vildum, hafði mjög víða virkni, gott notendaviðmót og hægt var að breyta og bæta með lítilli fyrirhöfn.

Og ekki var verra að sjá að árlegur kostnaður af OpenERP lausninni okkar varð aðeins brot af því sem hann hefði orðið ef við hefðum haldið áfram með Microsoft Dynamics og LSRetail.

 

3Ég ferðast mikið og er því ekki alltaf við tölvu, en þ.s. OpenERP keyrir sem veflausn þá get ég núna séð stöðu á öllu innflutnings-, framleiðslu- og söluferlinu okkar í gegnum símann minn. Ég veit því alltaf hvernig fyrirtækinu okkar vegnar, sem er mjög þægileg staða að vera í.

Arnar Jónsson

Yfirmaður tæknimála hjá Heel & Buckle

 

 


26
Nov 13

Spilaðu leikinn Vertu Viss

vertuvissVið erum í samstarfi við Íslandsspil, WEDO framkvæmdahús og Sagafilm varðandi sjónvarps og netleikinn Vertu viss er á RÚV á laugardögum.  Þetta er fyrsti gagnvirki sjónvarpsleikurinn á Íslandi þar sem áhorfendur heima í stofu geta tekið þátt í leiknum.  Prófið leikinn á http://www.vertuviss.is/ og spilið með. WEDO sjá um forritun leiksins og Netheimur hýsir netþjónana sem keyra leikinn.


19
Sep 13

Nýr vefur

akaleigaAKA er elsta starfandi bílaleiga landsins. AKA hefur allt frá stofnun leigt sveitafélögum, opinberum stofnunum og öðrum fyrirtækjum bíla. Reykjavíkurborg, Orkuveita Reykjavíkur og forverar hennar hafa verið stærstu viðskiptavinirnir í gegnum tíðina. Hér má sjá nýju síðuna þeirra www.akaleiga.is.


11
Sep 13

Þetta var létt !

lett-forsidaVið tókum gömlu síðuna frá Létt og hresstum aðeins upp á hana.  Nú geta starfsmenn Létt séð sjálfir um að að koma inn textum og myndum af bílunum sínum.


2
Sep 13

Ný vefsíða hjá ArcTic

hemmi_david31Við kynnum stoltir úr smiðju okkar nýja vefsíðu Arctic Iceland , arc-tic.com. Nýja vefsíðan er “Responsive” sem þýðir að hún virkar fyrir öll tæki og tól, á snjallsímum, spjaldtölvum og öðrum tækjum. Settum einnig upp vefverslun með tengingu við Valitor greiðslugátt.

http://www.arc-tic.com


28
May 13

Uppskriftastandur fyrir Hagkaup

uppskr-hagkaupVið tókum þátt í skemmtilegu samstarfi með Hagkaup og smíðuðu vef sem hýsir Hagkaupsbækurnar.  Nú getur þú komið við í Kringlunni, valið þér góðan rétt og prentað út það sem þarf að kaupa. Svo fylgir að sjálfsögðu uppskriftin með :)


27
Oct 12

Sóló á Suðurpólinn

Netheimur er stoltur styrktaraðili Vilborgar Örnu Gissurardóttur sem leggur af stað í næstu viku í 50 daga gönguferð á Suðurpólinn. Vilborg ætlar “Sóló á Suðurpólinn” og verður þannig fyrsta íslenska konan til að ganga þessa leið.

Netheimur setti upp og hýsir vefsíðuna lifsspor.is þar sem áheitasöfnun á gönguna fer fram, en ágóðinn mun renna til LÍFs styrktarfélags, ásamt því að hægt verður að fylgjast með ferðinni á vefnum með aðstoða GPS tækja og gervihnattasíma, sem Vilborg mun nota til að senda inn fréttir af sér og ferðinni.